Tag Archives: natural calamities

PAKIBASA AT PAKIPASA

Marami sa atin ang naapektuhan ng nagdaang mga bagyo, si Ondoy at si Pepeng. Iba’t iba ang antas ng inabot na pinsala ngunit lahat ay nangangailangan ng tulong. Ngunit pinakanakakaawa ang mga nawalan ng bahay at buhay. Maraming puso ang naantig sa mga litrato ng pinsalang inabot sa Luzon. Maraming kamay ang nagluwag at nag-abot ng tulong. Ngunit nakakalungkot na marami din ang nagpapakasasa sa panahong nakalugmok ang buong sambayanan.

Nabasa ko sa blog ni ella ang isa sa nakakainis na balita sa panahon ng kagipitan. Isa itong kwento ng pagmamaramot sa panahon ng kawalan. Nagvolunteer siya sa repacking center ng DSWD pero iba ang nakita ng kanyang mapanuring mga mata

Mag-iwan ng puna

Filed under kalorkihan

Tulong Kabataan!

Huli man daw at magaling, huli pa rin. Pero nananatili ang pag-asa sa akin, kaya heto at ipo-post ko pa rin ang announcement na ito.



Volunteers’ Assembly
We will be holding our first Volunteers’ Assembly tomorrow, October 14, 4pm at the HQ. Whether you have already helped in the previous days/weeks or just planning to do so, please drop by at the Assembly tomorrow. Our agenda will be: Orientation for the 17-18 mission, and a short discussion on the analysis of the recent floods and its effects, as well as the orientation of TK.

On Oct. 17-19, Tulong Kabataan will conduct a relief operation for the communities of San Manuel, Tarlac, still in the San Roque Dam area, among the hardest-hit communities by floods caused by Typhoon Pepeng. You can help with any of the following:

Volunteers for Repacking
Starting Oct. 14, the TK HQ will be open 9am onwards for all volunteers who want to repack goods. For those who get lost a bit easily, check this map:

More Donations
We have targeted 3,000 family-beneficiaries for our goods distribution. So keep the donations coming. If possible, organize your own relief drive in your family, street, neighborhood, parish, organization, barkada, school, etc. and send them to our headquarters. All in all, TK needs the following:

120 sacks of rice
12,000 pcs of canned goods
18,000 packs of instant noodles
3,000 25 gram packs of instant coffee (preferrably non-Nestle)
3,000 1/4 kilo packs of sugar
3,000 pieces of laundry soap
3,000 pieces of bath soap
3,000 packs of toothpaste
3,000 1 liter units of potable water
3,000 pieces of graham crackers
3,000 packs containing candles & matches

Volunteers for the Distribution and Clean-Up
Call-time is at 5am at the HQ on the 17th. For those with a problem with waking up that early, you are more than welcome to stay at the HQ along with other volunteers on the night of the 16th. We will be staying near the affected area on the night of the 17th. So bring the following: extra clothing, blanket/malong, extra personal drinking water, toiletries. Just in case, please bring also any ID and extra pocket money. We back in Manila on the afternoon of Sunday.

For questions, suggestions, and confirmation of one’s attendance, please text us at the following numbers: 0915 868 23 80 / 0908 370 35 25 / 0922 295 25 32
You can also email us at
: tulongkabataan@gmail.com
Also check us on the Web: http://kabataanpartylist.com/blog/ondoy/

Reposted from Tulong Kabataan.

Mag-iwan ng puna

Filed under kalorkihan

OMG!

Oh My Gulay!

Post-Ondoy

Mapapa-OMG ka talaga, as in Oh My Gulay! sa presyo ng mga gulay ngayon. Ang kapirasong repolyo, isang buong medium -sized carrot at isang guhit ng chick peas sa itaas ay nagkakahalaga ng P100!

Mag-iwan ng puna

Filed under kananayan

Mga Pekeng Natural na mga Sakuna

Una sa lahat, nakikiramay ako sa mga namatayan dahil sa bagyong Ondoy. Nakikisimpatya rin ako sa lahat ng pamilyang, tulad namin, ay sinalanta ng bahang rumagasa sa Kalakhang Maynila.

Isa si Ondoy sa mga bagyo na inukit ang kanilang mga pangalan sa kasaysayan bilang lubhang mapaminsalang mga bagyo. Kabilang na siya sa hanay nina Yoling, Dading, Rosing, Winnie, Milenyo at iba pa na naghasik ng malawakang pagkasira ng pananim, ari-arian at buhay. Muli, ipinakita ng kalikasan kung sino ang nananatiling mas makapangyarihan sa kabila ng lahat ng pag-unlad sa teknolohiya.

Maraming kwento-kwento. Maraming haka-haka. Maraming tanong. Higit sa lahat, maraming daliring nagtuturuan dahil sa laki ng pinsalang inabot ng halos buong Luzon. Kesyo sobrang dami daw nitong ulan na iniluha, katumbas ng isang buwang ulan ang bumuhos sa loob lamang ng siyam na oras. Ang sabi ng iba, talagang ganyan, Climate Change ang tawag diyan. Ang sabi ko naman, siguro, pero isang panig lang iyan.

Oo, papayag akong dulot ito ng Climate Change sa isang banda dahil napatunayan naman na ng syensya ang tuluy-tuloy na pag-init ng mundo at unti-unting pagkatunaw ng naglalakihang yelo sa pinakamalalamig na rehiyon dito. Global Warming, ika nga. Ito ang sanhi ng mga dramatiko at nakakabiglang mga pagbabago sa klima at panahon, sa tindi ng mga tag-init at mga tag-ulan.

Pero sino ba ang salarin nitong Global Warming? Hindi ba’t pangunahing sanhi nito ang maruming usok mula sa naglalakihang pabrika, napakaraming sasakyan mula sa industriyalisadong mga bayan? Ang walang habas na pandarambong sa enerhiya ng mundo para masustine ang kanilang antas ng pamumuhay na maluho at tapon-agad (disposable). Hindi naman sa wala tayong kontribusyon sa polusyon ng mundo, syempre meron, hindi naman tayo nabubuhay sa sinaunang panahon na krudo lahat ng gamit at hindi gaanong maaksya sa mga likas na rekurso. Pero, ang kontribusyon natin ay di hamak na mas maliit kaysa mga ibinubuga ng mga dambuhalang pabrika ng kung anu-anong bagay na hindi naman kailangang-kailangan lahat. May pananagutan tayo, pero higit ang pananagutan nila.

Dumaluyong rin ang hindi kapanipaniwalang laki ng baha. Bukod sa Global Warming at Climate Changem isinisisi ito ng marami sa mga illegal loggers na kumalbo daw sa Sierra Madre na nasa gilid-gilid lang ng Metro Manila. Pero mukhang legal logging naman ang may kasalanan doon. Isipin niyo nga, gaano ba kalawak, ilang ektarya ba ang inaabot ng isang grupo ng illegal loggers na limitado ang kagamitan sa isang chainsaw siguro o kaya’y mano-manong lagari at isang kalabaw na panghila? Ikumpara niyo iyan sa libu-libo, ekta-ektaryang konsesyon na ibinibigay ng gubyerno sa malalaking kumpanya ng pagtotroso, na kadalasa’y pinopondohan ng dayuhan, na mayroong daang tauhan, malalaking lagari, mga trak na panghakot at kung minsa’y saw mill sa loob mismo ng gubat, malapit sa ilog para sa mas mabilis na ‘pagpoproseso ng mga kahoy’? Sino ngayon ang mas mabilis mangalbo ng gubat at magpatumba ng malalaking kahoy na sumisipsip ng tubig ulan at mahigpit na humahawak sa mga lupa, ang mano-manong mga illegal loggers o ang demakinang mga legal loggers?

Laman pa rin ng balita ngayon ang Provident Village at ang bandang Montalban, Rizal dahil lubog pa rin sila sa tubig. Ayon sa mga tao, sadyang mababa ang lugar ng Provident Village, sa katunayan, mas mababa ito sa lebel ng dagat, kung kaya talagang binabaha ito. Naalala ko tuloy ang Cherry Hills sa Antipolo na gumuho naman dahil malambot pala ang lupa doon at hindi dapt tinayuan ng malalaking istruktura dahil sa posibiladad na gumuho ito. Bakit ba nagkaroon ng mga lugar na residensyal sa ganitong mga lugar? Mga lugar na hindi dapat tayuan ng bahay na magsisilbing kanlungan ng mga pamilya dahil ilalagay nito sa panganib. Ang kanlungan ay magiging libingan kalaunan.

Gayundin, may mga lugar naman na nauna nang panirahan ng mga tao at saka pa lamang pinasok ng mga problema. Kilala ang Benguet sa dalas ng landslide dito, sa Itogon, Tuba, Mankayan at iba pa. Pasok kasi ang mga kumpanyang nagmimina dito. Sa madaling sabi, butas-butas ang ilalim ng payapang bundok na ito. Sino ba ang hindi nakabalita sa ilang minerong natubunan noong nakaraang bagyo na ni hindi kasinlakas ni Ondoy? At ang eskwelahan na gumuho sa Mankayan? Hindi natin maaaring sabihin na hagupit ito ng kalikasan bagamat talagang likas na gumuguho ang mga lupa sa matataas na bahagi tulad ng mga bundok. Ito ay dulot ng kasakiman ng mga kumpanyang nagmimina ng mga ginto at kung anu-ano pang mineral kapalit ng kaseguruhan sa buhay ng mga maninirahan dito.

Isa pa, hindi makakalampas sa akin ang mga upisyal ng gubyerno natin, lalo na si Gloria na pangunahing salarin tutal inako na rin niya ang pagiging pangulo.

Ang PAGASA, laging tampulan ng inis ng mga magulang dahil sa huling pag-aanunsyo nito ng mga bilang babala ng bagyo. O kaya’y ang “maling” anunsyo ng Babala ng Bagyo Bilang 3 samantalang ang gaganda ng sikat ng araw at mabangong-mabango ang mga labadang ibinilad. Kawawa din naman kasi talaga itong ahensyang ito dahil tulad ng ibang mga ahensya ng gubyerno, biktima rin ng pambubulsa ng pondo at mababang pagpapahalaga sa usapin ng paglalaan ng badyet. Sa mga intrumentong gamit nito, batayan ng mga signal-signal lakas ng bugso ng hangin, at hindi ang dami ng ulan na taglay nito. Sa tingin ko, ito ang dahilan sa ‘mali-maling’ anunsyo. Hindi ba’t sa bagyo matapos ni Milenyo nung nakaraan, signal #3 sa maynila pero walang kaulan-ulan. Nitong nakaraan, hindi naman sila nagbabala kay Ondoy dahil mahina ang hanging taglay, pero iyun pala, sobrang dami ng tubig-ulan na karga. At ang PAGASA ay hindi eksepsyon sa karaniwang kundi ang mismong talamak na halimbawa ng kapabayaan ng gubyerno.

Higit pa riyan, hindi ba’t patakaran din ng gubyerno ang magpapasok ng dayuhang “mamumuhunan” para daw sumigla ang ekonomya at magkaroon gn trabaho ang mga Pilipino. Hindi ba’t ang mga may-ari ng malalaking kumpanya sa pagmimina at pagtotroso ay pag-aari ng mga dayuhan, o kaya’y “kasosyo” ng mga Pilipino. Tingnan niyo’t pursigido sila sa CHACHA o Charter Change kung saan isa sa mga probisyon na babaguhin nila ay ang tungkol sa pagbabawal sa pag-aari ng mga dayuhan sa lupain ng Pilipinas. Kung matutuloy ito, maiiwan tayong walang kalaban-laban dahil magiging ligal na ang pangangamkam ng mga dayuhan sa Pilipinas. Magiging iskwater na tayo sa sariling bayan. Maging mga permanenteng bakwit dahil sa mga kalamidad na tatama sa atin dahil sa pagkagahaman nila.

Masalimuot ano? Sabagay, wala nang simpleng bagay ngayon sa kabila ng pindot-pindot lang na buhay. Maraming usapin ang mahahalungkat ng trahedyang Ondoy, mula sa mga makakapangyarihang dayuhang bayan at ang papel nila dito sa sarili nating bayan, hanggang sa mga kakulangan (o pagmamalabis sa kurakot )ng gubyerno sa sariling bakuran natin. Sa huling pagsusuri, nakikita natin na ang kapakanan ang marami ang nalagay sa bingit ng kamatayan kapalit ng ganansya ng iilan, sa anyo ng tuwirang kita o sa di tuwirang ‘kaliwaan’ at suhulan, sa pagkasira sa likas na kalikasan ng mundo at ng Pilipinas.

Totoong isang natural na kalamidad ang bagyo tulad ni Ondoy. Pero ang pinasalang dulot ni Ondoy na talagang nagpalubog sa maraming lugar at nanguha ng maraming buhay, na lumuha ito nang todo-todo ay hindi natural na kalamidad kundi bunga na ng maling paraan ng pamumuhay at pamamalakad. Siguro kaya buhos na buhos ang ulan sa loob ng siyam na oras ng pagngingitngit ni Ondoy, nagdadalamhati din siya para sa lahat ng mapipinsala para maipaalala sa atin kung sino ang tunay na may sala at mga dapat papanagutin at singilin.

1 Puna

Filed under kalorkihan